Dakkasu Shachyen Hte Hpaji Ningmu Jahpaw Hpawng Galaw

Laiza Buga Hkalup Hpung Hpaji Shalat Komiti kaw nna lit la woi awn ai hte  Dakkasu Shachyen Hte Hpaji Ningmu Jahpaw Hpawng lamang hpe Mung Seng Yang mare nawku jawng wang kaw June(1-2) lahkawng ya galaw ai re.

Wunpawng ramma ni madang tsaw ai hpaji hpe manu shadan chye hkaja ra ai hte maren rawt jat sai mungdan ni hpaji hpe gara masa hku sharin hkaja nga ai lam, Hpaji hte Karai masa hpe gara hku shingdaw nna sharin hkam la ai lam ni, Dr.Layang Seng Ja(Dip In Chinese,B.Sc,M.Div,M>Th, D.Th(NT) kaw nna daini hkawm nga ai Jinghpaw Wunpawng Chyum Dakkasu a hpaji masa hte shawng lam masing hpe shing rai nna woi hka ja ai re.

Buga kata na ramma ni, Hpyen yen Dabang nkau hkan na ramma ni kanu kawa ni hte  sara saranum ni sa du shang lawm ai.  NUG Hpaji Dap Ningtau Hkingmang Saranum Kaba Maran Ja Htoi Pan kaw nna NUG a Hpaji masing hte ramma ni a hpaji hkrun lam ngu ai ga baw woi hka ja ai. Sharin Hpawng hta mungshawa marai (70)daram sa du shang lawm ai.

 

Leave a Reply

Your email address will not be published. Required fields are marked *