Gumrawng Gumtsa masa

Ndai masa gaw woi awn ai Ningbaw Ningla ni jawm galaw ga ngu ai masa rai nga ai. Ndai ni gaw masha langai hta jan ai ni re majaw, “Gumrawng” ngu ai.Rawng rawng re ai, marawng ai, ningbaw laww law ngu mayu ai. Shanhte hpe lit jaw ai wa n nga ai.Shanhte hpe lata dat ai ni mung n nga ai.Shanhte a myit jasat hte ra wa ai hta hkan nna, galaw shapraw ai masa rai nga ai. Ndai ni a myit jasat gaw yawng maren mara rai nga ai. Kadai hpe mung lit n jaw, n shangun, n matsun hkat, n san hkat ra ai. Tinang htuk manu dum ai hku wanglu wanglang myit yu nna galaw ai satlawat rai nga ai. Anhte  Kachin ni hta Gumchying Gumsa satlawat rawng ai masha, Gumrawng Gumtsa satlawat rawng ai masha , Gumlau satlawat rawng ai masha daini du hkra naw nga nga mali ai. Masha kaw nna she mungshawa byin wa ai re majaw, mungmasa langai ngai hpe atsai di dawm kau na matu n loi la nga ai. Dinghku langai kaw sha pyi ndai satlawat masum rawng nga ai re majaw, mare, mungdan kata kaw gaw grai law hkra gayau rawng nga na sha re. Shada sat jahtum hkat ra na  masa byin wa lu ai. Dai majaw gara masa hpe mung shamyit kau, dawm kau n ra ai sha akyu jashawn jai lang na matu myit ra na lam nga ai.

Moi jiwoi jiwa ni jai lang wa ai, asung jashawn hkrat wa ai, hkrum katut wa ai hpyen zai ladat amyu hpan (7) nga ai hpe mu lu ai.

1.Tsingdu katsen majan zai ladat hpaji; tsing katsen majan zailadat hpaji ngu ai gaw hpyen wa hpe gasat ai lam hta dan dan leng leng n rai ai sha marai langai hkrai hku nna hpyen wa n dum n shai na hku hpyen wa a kata de sa shang rawng ai zai ladat hpaji rai nga ai.  Tsingdu katsen ni mung gara hku sa wa, shang wa nna lahprang kaw sa jung ai n mu dat ai. Gaya gaw gaya machyi tim katsen hpe gaw n mu lu ai, Ndai tsingdu katsen majan zailadat  hpe Gatmai majan zailadat hte  dang kau lu ai da.Gatmai ni a  lai ladat hpe yu nna kasat ai lam rai nga ai. Gat mai ni gaw shi a lagat tsip hpe gawk hte gawk shara atsawm sha masat ai. Kanu rawng ai gawk, La rawng ai gawk, lusha bang ai gawk, hkyi bang ai gawk, sin langa ni rawng ai gawk, bungli galaw ai ni rawng ai gawk ngu nna atsawm sha shara masat dat ai. Dai hte maren tsingdu katsen ngu ai majan hpyen hpe dang na matu gaw tinang a mungdan, lamu ga, mare kahtawng hpyen dap ni hpe shi hte  shi lit la na masha gu gu ra ra jahkrat da nna gara hku mung lagyim shang n lu na hku galaw ra ai.

2.Kugyin kuyang majan zai ladat hpji; Ndai majan zailadat gaw hpyen wa a shara de lanak hte  n re ai sha hpaga lam (shnr) kanawn mazum lam zawn rai nna hpyen wa sum machyi wa ai baw nhprang sut rai, htunghkrig makam ni yawng hpe jahten kau ya ai hpyen ladat  rai nga ai, Pru wa shang wa wanglu wanglang re ai shaloi jai lang ai ladat rai nga ai. Ndai ladat hpe hpumlum majan ngu ai gaw tinang a myu sha ni yawng myit hkrum shang lawm nna masha yawng kahtet kamawt suhprang shang lawm ra ai zai ladat rai nga ai.

3.Dingla sheng (N mu na) majan zai ladat hpaji ; Ndai majan zailadat hpaji gaw tsingdu katsen majan hte  loili bung ai. Dingla sheng gaw myi hte  n mu lu tim sheng sheng nga gawa ya ai. Tsun mayu ai lam gaw ndai wa gaw hpyen re ngu nna magra madum masat n lu ai. Raitim hkam sha ai lam, dingbai dingna jaw ai lam gaw byin shangun ai ladat rai nga ai. Dingla sheng majan zai ladat hpe wan nli galip zai ladat hte  dang ai da. Wan nli galip majan zai ladat zai ladat ngu ai gaw hpyen wa chyinglau ai shara hkan kadai chyinglau ai hpe atsawm hkrak n mu ai. Raitim manghkang nau n sawng shi ai shaloi n-gun kaba, tara kaba jahkrat nna jau jau shamyit ai majan zai ladat hpaji rai nga ai.

4.Du dan sinle zai ladat hpaji; Ndai majan ladat gaw hpyen ni yawng hpe n re sha ahkyak ningbaw, ahkyak shara ni hpe lata nna shamyit ai zai ladat hpaji rai nga ai. Singlen majan hpe du hkawp majan zai ladat hte gasat dang lu ai da. Du hkawp majan zailadat ngu ai gaw tinang a masha kam ram ai san da ra ai.

5.Maza kawn majan zailadat hpji; Ndai maza majan ngu ai gaw, Mungmasa hkaw tsun ai hku shang ai majan, nawku hpung hku hkaw tsun nna shang ai majan rai nga ai. Ndai ladat gaw masha yawng kaw na chye shangun lu ai rai nna,Mung masha ni wamwam damdam byin mat wa lu ai. Maza kanu shang jang nta ni yawng tsam  hten mat ai wa lu ai. Maza jan hpe dumsi koi (shr) sumsi ju majan zailadat hte  gasat dang lu ai da. Dumsi koi  majan gaw tinang mung n-gup ga hte shawu nna tara hkaw ra ai, kahkyin gumdin ra ai. Dumsi hpe n madun ai sha, dumsi mun, dumsi  ju hpe sha madun ai ladat rai nga ai. Hpa majaw nga yang dumsi mun hpe yu nna mun pyi dai daram kaba masen jang gaw hkum hkrang gaw grai kaba na re ngu kam shangun ai lam re nga ai. Shing-rai tinang a hpyen n-gun masha n-gun ni hpe hpyen wa hkrit hkra shawu hkaw tsun ndau ra ai.

6.Wa ndu majan zai ladat hpaji; Wa ndu majan ngu ai gaw hpyen wa a shara lamu ga de hpyen wa hpe gasat na matu tinang a nga shara, lagaw dahpran na shara lajang la nna gasat ai zai ladat rai nga ai. Waq ndu ni mung waq grawng nhkrun htu ai lai lang nga ai. Ndai wa ndu majan hpe gaw ning-re dan majan zai ladat hte gasat dang lu ai da.Ning-re dan ngu ai gaw tinang a lamu ga shadip shahpang hpe hkrak masat ai majan ladat rai nga ai. Hpyen wa sa shang nna shara la n mai hkra tinang a shadip nga shara ngu ai hpe hkrak masat shagrin da ai lam rai nga ai.

  1. Wa nawng wa tsa majan zai ladat hpaji; Ndai majan gaw hpyen hpung hpyen man wunawng wuwa hte shang htim gasat ai ladat rai nga ai. Wa ni wunawng hku kanawng hkawm ai lai ladat rai nga ai. Ndai wa nawng wa tsa majan hpe ning-re dan majan ladat hte gasat dang lu ai da. Bum ga de hkarang yi hkan wa nawng ni n sa lu na matu nban ni jung masat nna, wa ni hpe jahkrit lu ai. Dai hte maren hpyen wa hte mung shadip shara masat kau ra ai lam galaw ra ai.N shana ai sha, n shaga ai sha, n shaga ai sha hpyen hpung ni majoi n mai lai shang na matu rit nga ai. Ga shadawn:moi woikang hkumlai makau kaw na Maung Gam gawkngu upara gaw moi jiwoi jiwa ni lawu Mung na hpyen ni hte shara masat ai re da. Ndai shara de majoi lai lung wa ai majaw lawu Mung na hpyen ni a mare nawng nawng kan ana zinli hte si ru ai lam byin  lai wa ga sai. Dai majaw dai ni mung anhte ni Hpan karai a hkinghtawng shadip hpe akyu jashawn nna, hpyen ni hte ning-re dan masat nna gasat yang dang na lam nga ai.

 

                                                                                                                                                                            Pungga Sinwa Awng


 

 

Leave a Reply

Your email address will not be published. Required fields are marked *