Wunpawng Ginra Kata Na Gasat Gala Shiga

Wunpawng Mungdan Shanglawt Hpyen Dap Masat (5) Dap Ba, Masat (19) DapDung ginra, Numlang makau, Loi Jaw kadawng mayan kaw June (7) ya jahpawt daw hta Wunpawng Mungdan Shanglawt Hpyen Dap Masat (19) Dap Nawng Dap Dung hpyen hpung ni hte Myen hpyen gumshem dap ni gasat poi byin ai lam chye lu ai.

Wunpawng Mungdan Shanglawt Hpyen Hpung ni dap jung shara jahkrat nga ai ginra de Myen hpyen gumshem dap ni hpyen n-gun jat bang shang wa ai majaw ya na zawn gasat poi byin ai re. Jahpawt daw hkying (10:00) aten daram kaw nna Myen hpyen gumshem dap ni gasat poi byin ai ginra de laknak kaba hte  gap garum ai lam nga ai

Jinghpaw mung, lahta Sam mung Mung Myit Sinli ga  ginra shara nkau ni hta Myen hpyen gumshem dap ni ding yang naw htu shadut shang wa ai majaw gasat poi matut manoi naw byin nga ai re. Wunpawng Mungdan Shanglawt Hpyen Dap Masat (10) Dap Ba, Masat (17) Dap Dung ginra Nam Lawk Pa hte Na Ti makau mayan hta lai wa sai bat laman MNDAA hpyen hpung ni hte Myen hpyen gumshem hpung ni gasat poi laja lana byin ai lam nga ai hpe chye lu ai.             

 

Leave a Reply

Your email address will not be published.