Wunpawng Amyusha Ni A Hpyen Madung (3), Ninggawn Mungmasa Laika Buk Kaw Na Ka Tang Madun Ai.

 

HPYEN MADUNG

Wunpawng Mungdan Kata de tawt lai jehpye shang wa ai Myen mung, Maden Koloni lailen gaw Wunpawng Mungdan a hpyen madung re. Galoi raitim dai zawn rai Wunpawng Mungdan kata de tawt lai shang kabye jehpre bang wa ai maigan hpyen ni hpe Wunpawng Mungdan kata kaw nna atsai awai shingle gasat gawt shapraw kau na.

 

SHINGNAN HPYEN

Wunpawng Mungdan masha rai nga ninglen tawt lai shang kabye Jehpye chyinglau rawng nga ai maigan mung maden hpyen ni kaw bung me nang nna maigan mung maden a sumdoi dawhkrawng tai let Wunpawng mungdan hpe jahten sharun ai, Wunpawng mungdan masha ni a ntsa jehpre roi rip dip gamyet sai chyup dang sha nga masha ni mung Wunpawng mungdan a hpyen kaba rai nga ai. Maigan hpyen madung hta kaga, shingnan nang ai kata hpyen ni rai nga ma ai. Shanhte galaw ai lam ni gaw nachying n shawp n kap dik htum ai lam re. Ba ai ma shingma gawa ai lam re. Ndai shingnan hpyen ni gaw maigan mung maden hpyen ni Wunpawng Mungdan kata de aten na na magra noi chyinglau rawng nan nga lu hkra maigan hpyen ni a lagaw lata tai ya nga ma ai re majaw, maigan hpyen hpe gawt shapraw lu hkra shanhte hpe shawng atsai awai gasat shamyit kau ra ai.

 

JEBAT HPYEN

Wunpawng Mungdan a hpyen madung hte shingnan hpyen ni hta kaga, Awmdawm shanglawt nna shadip jahpang lu ai Wunpawng Gumrawng Gumsa Mungdan gaw gap saw a na lam hta dingbai dingna byin nga ai, jebat hpyen law law naw nga ai. Dai jebat hpyen ni gaw Wunpawng Mungdan shanglawt Hpung a shawng de htawt lahkrip sa wa na lahkam hpe dingbai dingna lagaw gang ya ai hpyen, Wunpawng Mungdanhte amyu masha ni rawt kalu kaba wa na lam hta dingbai dingna shabyin ya ai hpyen hte Wunpawng Mungdan awmdawm Shanglawt nna shadi jahpang lu ai Gumrawng Gumsa mungdan byin tai wa na lam hta Dingbai dingna ju shingna bying tai ai ni, jebat hpyen rai nga ma ai majaw Wunpawng Mungdan mungshawa akyu ara a matu ndai jebat Hpyen ni hpe atsai awai Seng yeng kau ra ai.

Leave a Reply

Your email address will not be published.