Myen hpyen gumshem dap ni Hpakant ginra kata lai wa lai sa mungshawa ni hpe laja lana sawk jep nga

Myen hpyen gumshem dap ni Hpakant ginra kata lai wa lai sa mungshawa ni hpe laja lana sawk jep ai lam, dum nta hkan shang jep ai lam ni galaw nga ai re hpe ginra masha ni tsun ai kaw na chye lu ai.

June (16) ya shani hta mung Hpakant ginra, Tamahkan mare kata Myen hpyen gumshem dap Hk.M.Y (119) dap kata na hpyen hpung ni n-gun madun na matu hpawng chyawm nga ai mungshawa ni hpe sinat hte gap kapaw shabra ai hte  mungshawa dum nta hkan sawk jep hkawm ai lam hpe na chye lu ai.

June (3) ya shani hte June (15) ya shani hta mung hpyen gumshem hpe nra sharawng ninghkap n-gun madun ai mungshwa ni hpe Myen hpyen gumshem ni sinat hte gap kapaw shabra ai hte  shana aten mung mare makau grup- yin hkan sinat gap kapaw ai lam jahkring hkring galaw nga ai lam na chye lu ai.

Myen hpyen gumshem dap ni ya aten shara shagu ngu na daram hta hkawm sa hkawm wa modo sengke ni hpe laja lana sawk jep ai lam, shana aten nga hkawm ai ni hpe sinat hte hkan shachyut gap ai lam ni galaw nga ai re.

 

Leave a Reply

Your email address will not be published. Required fields are marked *