Dingdung Ginwang Ginjaw Kata Kaw COVID-19 Ana Jep Mu Lu Ai Ni Mai Tsai Hkamja Sai

Dingdung Ginwang Ginjaw Hka Ba Quarantine Dabang kaw COVID -19 ana jep mu nna, tsi gawn lajang hkam la nga ai marai (5) hpe ana bai jep yu yang marai (5) hte Negative bai rai sai lam Dingdung Ginwang Ginjaw COVID-19 Ana Zinli Makawp Ninghkap Komit kaw na chye lu ai.

Dai marai (5) hpe lai wa sai July praw (8) ya shani Myitkyina kaw nna Dingdung ginwang ginjaw de lung wa ai Hka Ba Check point kaw ana jep mu lu ai ni re.Shanhte hpe Hka Ba Quarantine Dabang kaw tsi gawn lajang ya nga ai laman lahkawng lang numdaw  jep shaloi yawng (Negative) confirm rai sai majaw July (21) ya Quarantine kaw na pru  sai lam na chye lu ai.

Ya aten COVID-19 ana zinli gaw shawoi na hta grau lawan ai hku kap bra wa ai majaw Ding dung ginwang kata pru shang hkawm sa ahkang hpe lai wa sai July (10)ya shani kaw nna hpang nhtawm nhtoi n masat pat hkum da ai lam nga ai re.

Sinpraw Dingdung Ginwang Ginjaw, Chwihpwi Law Hkawng Ginwang de pru shang ai shara ni hpe mung July (14)ya shani kaw nna pat hkum da ai lam  mung  na chye lu ai.

 

Leave a Reply

Your email address will not be published. Required fields are marked *