Wunpawng Mungdan Ginra Shagu Na Gasat Gala

Wunpawng Mungdan Shanglawt Hpyen Dap, Masat (2) Dap Ba, Masat (11) Dap Dung Ginra, Danai lido lam mayan Maran Kahtawng kaw July(30) ya jahpawt hkying (4:00) aten daram kaw nna hkying (5:00) du hkra dai ginra hta gate jahkrat nna dap jung nga ai Myen hpyen gumshem dap Ts.K.Hk ni hte Wunpawng mungdan shanglawt hpyen dap ni gasat poi byin ai lam nga ai.

Dai jahpawt hkying (3:40) aten daram hta mung Mogawng ginra kaw dap jung nga ai Myen hpyen gumshem dap Ts.K.Hk(3) dap ni hpe mung Wunpawng mungdan shanglawt hpyen dap ni sa gap gasat ai lam nga ai.

Wunpawng Mungdan Shanglawt Hpyen Dap, Masat (5) Dap Ba, Masat (3) Dap Dung Ginra Wai Maw Mading mare hte Labang mare lapran kaw mung July (29) ya shana hkying (10:50) aten daram kaw nna Wunpawng mungdan shanglawt hpyen dap ni hte Myen Hpyen gumshem dap Hk.L.Y (58) ni gasat poi laja lana byin ai lam nga ai.

Gasat poi byin ai ten Myen hpyen gumshem dap ni makau grup yin de laknak kaba gap shadam ai majaw mungmasha marai lahkawng laknak kaba pala hkyep hkra hkala hkrum ai hta marai langai gaw hkala sawng nna asak si sum ai lam mung nga ai.

Gasat poi byin ai hpang Hkaya Bum hte Bumre bum kaw nga ai Myen hpyen gumshem dap ni mung July (30) ya jahpawt hkying (1:00) Jan aten daram hta  Ginjaw Ginra maga de laknak kaba gap bang ai lam nga ai re .

Wunpawng Mungdan Shanglawt Hpyen Dap, Masat (8) Dap Ba, Masat (35) Dap Dung Ginra, Mungnyang ginwang, Namsi Awng mayan kaw mung July (30) ya shani hkying (11:00) aten daram kaw nna Jinghpaw mung de htu shadut lung wa ai Myen hpyen gumshem dap ni hte Wunpawng mungdan shanglawt hpyen dap ni gasat poi byin ai lam nga ai.

 

Leave a Reply

Your email address will not be published. Required fields are marked *