Laiza Muklum Woichyai lawk Kaw Nga Ai Mungshawa Ni Hpe Tsi Dabat Jep Ai Lam Galaw

Laiza muklum hte Jarit mayan nga ai mare kahtawng ni hkan na Hpyenyen dabang shagu hpe July (27) ya shani kaw nna hpang nhtawm COVID-19 ana jep ai lam galaw nga ai hta Woichyai lawk kaw gaw July (30)ya shani  tsi bai dabat jep ai lam galaw ai.

July (29)ya shani  Woichyai lawk kaw hpaw da ai Shanan hpaji shalat ginra kaw na jawngma ni hte dai wang kaw rau nga ai nta madu ni yawng marai (10) kaw COVID ana jep mu lu ai lam nga ai.

Ndai tsi jep masing hpe ginra shara daw hte daw lockdown jahkrat Stay at Home masat nna ta tut hkrang shapraw galaw nga ai hta,  Je Yang Hpyenyen Dabang hta gaw ana kap hkrum masha jep mu lu ai lam nnga shi ai re.

Je Yang hpyenyen dabang kaw nga ai mungmasha langai kaw July (26) ya shani COVID-19 ana jep mu ai hpang, tsi jep masing hpe galaw nga ai rai yang, shi hte ni kahtep hkrum shaga ai ni hta gaw ana jep mu lu ai lam n nga ai.

Ana jep mu lu ai ni hpe Munglai hkyet kaw laksan tsi gawn lajang ai lam galaw nga ai.

Tsi jep ai lam hpe Woichyai Hpyenyen  Dabang kaw nna hpang nhtawm, Dum Bung Hpyenyen Dabang du hkra jep  na re lam Ginjaw COVID-19 Ana Zinli Makawp Ninghkap Komiti kaw na chye lu ai.

 

 

Leave a Reply

Your email address will not be published. Required fields are marked *