Hpawmi Mahkaw Roi Hpe Mazut Roi Rip Sat Kau Ai Myen Hpyen La Marai (3) Mara Yin Hkamla Sai

Daw Hpum Yang, Num Lang mare na Hpawmi Mahkaw Roi asak (50) ning  hpe Myen hpyen gumshem dap nu (88) na hpyen la marai (3)  shanhte mazut roi rip sat kau ai hkrak teng man ai  lam mara yin hkamla sai hpe  na chye lu ai.

Dai marai masum hta na marai langai wa gaw shi hkrum nan mazut roi rip ai sha n-ga nhkyi hte galun sat kau ai re lam hkam la ai. Ngam ai marai lahkawng hta na langai mi gaw hpa mung n-galaw ai marai langai wa gaw lata kaw sumri gyit shangun ai majaw gyit ya ai nga nna mara amu jep joi ai shaloi pru tsun ai lam Num Lang mare masha nit sun shana ai kaw na chye lu ai.

Ya aten dai hpyen la marai masum hpe mara degree garai n jahkrat shi ai,   Numlang mare Myen hpyen gumshem dap kaw naw rim zing da ai hpe chye lu ai.

Lai wa sai lahkawng ning daram hta mung Num Lang mare na amyu shayi langai hpe mazut roi rip sat kau ai mabyin manghkang nga lai wa sai raitim ya aten du hkra dai amu hte seng ai kadai hpe mung rim ahkyak la lu ai lam n nga shi ai re.

 

Leave a Reply

Your email address will not be published. Required fields are marked *