Namti Siden Mare Makau Kaw Gasat Gala Byin

Wunpawng Mungdan Shanglawt Hpyen Dap, Masat (2) Dap Ba, Masat (11) Dap Dung ginra, Namti, Siden Yang mare makau kaw July (31) ya jahpawt hkying (4:00) aten daram kaw nna Myen hpyen gumshem dap ni hte Wunpawng Mungdan Shanglawt Hpyen hpung ni gasat poi byin ai lam  nga ai.

Gasat poi byin ai ten Mogaung ginra Ts.K.Hk (3) Myen hpyen gumshem dap ni Siden Mare de laknak kaba gap bang ai majaw mare masha marai langai asak si sum mat ai lam ginra masha ni tsun ai.

“Dai si mat ai Moe Kyaw nga wa re, Laknak kaba gaw mare kata de lahkawng masum hkrat kapaw ai lam nga ai, lam makau na Hpt langai na nta kaw ma hkrat ai raitim si ai gaw marai langai sha re, kaga ni gaw hpa n ra ai”

Gasat poi byin ai jahpawt hkying (4:00) aten daram kaw nna jahpawt hkying (8:00) aten daram du hkraMyen Hpye Gumshem Dap ni  mare kata hte makau grup yin de laknak kaba ni gap bang ai lam nga ai majaw ginra masha ni hkrit kajawng nna gaduk kata hkan makoi rawng ai ni rawng, Hprawng ai hprawng  re lam mung na chye lu ai.

July (30) ya jahpawt daw hkying (4:00) aten daram hta mung Danai Lido lam, Maran Kahtawng kaw dap jung nga ai Myen hpyen gumshem dap ni a shagyit kaw Wunpawng Mungdan Shanglawt Hpyen Dap ni hte Myen hpyen gumshem dap ni gasat poi byin ai lam nga ai.

 

Leave a Reply

Your email address will not be published. Required fields are marked *