Wunpawng Ginra Kata Na Gasat Gala Shiga

Wunpawng Mungdan Shanglawt Hpyen Dap, Masat (9) Dap Ba, Masat (44) Dap Dung Ginra, Kamai ginwang, Hpakant Lam mayan Gat Noi mare hte Chyauk Htu mare lapran kaw August (2) ya jahpawt hkying (7:00) aten daram kaw nna hkying (8:00) atem du hkra Myen hpyen gumshem dap ni hte Wunpawng Mungdan Shanglawt Hpyen Dap (KIA) ni gasat poi byin ai lam nga ai.

Dai Myen hpyen gumshem dap ni gaw August (1) ya shani Nam Ya mare kaw nna hpyen n-gun law law hte Hpakant lam ding yang shamu shamawt lung wa ai hpung ni rai nna Wunpawng Mungdan Shanglawt Hpyen Dap (KIA) ni hkap shingla gap gasat ai kawn gasat poi byin wa ai re.

Jahpawt daw hkying (9:00) aten daram du hkra Nam Tin mare hte Nam Ya mare kaw dap jung nga ai Myen hpyen gumshem dap Hk.L.Y (12) dap ni gasat poi byin ai shara de laknak kaba gap bang ai lam ni nga ai.

Wunpawng Mungdan Shanglawt Hpyen Dap Masat (5) Dap Ba, Masat (25) Dap Dung Ginra, Kung Law hte Nam Tin lapran na mahkrai kaw mung August (1) ya shana de hkying (2:30) aten daram hta dai ginra mayan shamu shamawt hkawm ai Myen hpyen gumshem dap ni   Wunpawng Mungdan Shanglawt Hpyen Dap (KIA) ni hkam tawn da ai bawm gabye kapaw la majaw shana de hkying (3:15) aten du hkra Myen hpyen gumshem dap ni laknak kaba gap ai lam nga ai re.

 

Leave a Reply

Your email address will not be published. Required fields are marked *