KIO Uphkang Ginra Kata, Covid-19 Ana Zinli Makawp Ninghkap ai lam hpe dingyang galaw nga.

Sinpraw Ginwang Ginjaw Mai Ja Yang kata covid-19 positive masha marai (301) ana atsawm sha mai tsai sai majaw August (16) ya shani nta wa ahkang lu sai lam nga ai.

Positive dabang kaw ya aten tsi gawn lajang hkamla nga ai marai (583), Negative dabang kaw hkamja lam masam maram hkamla ai marai (14), August (15),(16) lahkawng ya laman ana jep tawn ai marai (2000) jan nga ai.

Laiza ginra kata ya aten tsi gawn lajang hkam nga ai masha marai (43), ntsen nhten Quarantine hkam la nga ai masha marai (63) nga ai. Numdaw masum lang ana jep ai lam hpe matut galaw nga ai.

Laiza de shang ai Mung Lai Hkyet Check Point Gate hpe August (15) ya sahni kaw nna tara kahtap shangang masat ai lam nga ai hta, Kunrai hta lai nna masha pru shang hkawm sa ahkang hpe Tsep kawp pat hkum da ai. Ahkyak ai mungdan magam bungli a majaw hkawm sa ra wa ai rai yang Ginjaw Covid Komiti rung a ahkaw ahkang hte sha hkawm sa lu na matu masat da ai.

Sadung ginwang kaw ana jep mu lu ai marai (10) bai jat ai. Ya aten tsi gawn lajang hkam nga ai masha marai (31), hkamja lam masam maram hkam nga ai marai (46) re ai lam chye lu ai.

Covid Ana Ntsen nhten nna hkamja lam masam maram hkam nga ai masha ni gaw Dingdung Ginwang kata kaw marai (25), Hpakant ginwang kaw marai (146), Nawng Lut ginwang kaw marai (2), Hungawng ginwang kaw (30), Sumbwi yang ginwang kaw (4) nga ai lam Ginjaw Covid-19 Ana Zinli Makawp Ninghkap Komiti a jahpan hte maren chye lu ai.

Leave a Reply

Your email address will not be published.