Wunpawng Ginra Kata na Gasat Gala Shiga

Wunpawng Mungdan Shanglawt Hpyen Dap Masat (2) Dap Ba, Masat (14) Dap Dung ginra, Nam Hkam makau kaw dai ginra mayan shamu shamawt hkawm ai Myen hpyen gumshem dap ni hte Wunpawng Mungdan Shanglawt Hpyen Dap (KIA) ni August (23) ya jahpawt hkying (8:00) aten daram hta gasat poi byin ai lam nga ai.

Myen hpyen gumshem dap Hk.L.Y (74), Hk.M.Y (297), Hk.M.Y (318) pawng hpawm hpung ni hpyen n-gun law law hte shamu shamawt hkawm ai hpe Wunpawng Mungdan Shanglawt Hpyen Dap (KIA) ni hkap shingla gasat ai kawn gasat poi byin wa ai re.

Mungmyit Sinli Ga, Kachin Sub-state, Wunpawng Mungdan Shanglawt Hpyen Dap Masat (4) Dap Ba, Masat (8) Dap Dung ginra, Namhpakka ginwang, Man Dung hte Nam Du lapran Pan Lung lam numshe kaw dai ginra mayan shamu shamawt shang wa ai Myen hpyen gumshem dap ni hpe Wunpawng Mungdan Shanglawt Hpyen dap (KIA) ni August (23) ya jahpawt hkying (8:00) aten daram hta hkap shing la gasat ai lam nga ai.

Myen hpyen gumshem dap ni hkap shing la gasat hkrum ai majaw makau grup yin de laknak kaji ni gap shadam ai lam nga ai. Myen hpyen gumshem dap ni hpyen shamu shamawt ai lam ding yang naw galaw nga ai majaw Mungmyit Sinli Ga ginra, KIA Masat (6) Dap Ba, Masat (36) Dap dung ginra hta MNDAA ni hte shani shagu gasat poi byin ai lam nga ai.

 

Leave a Reply

Your email address will not be published.