Covid Ana Jep NMu Ai Ni Hpe Sha Hkawm Sa Ahkang Jaw Na Shiga

Sinpraw Ginwang Ginjaw kaw nna Ginjaw Ginra Laiza de shang wa na masha ni hpe laksan ana jep ai lam galaw nhtawm ana jep nmu ai ni hpe sha hkawm sa ahkang jaw na re lam Sinpraw Ginwang Ginjaw Covid 19 ana zinli makawp ninghkap komiti Salang Sarawun Zau Bawk septenber (14) ya shani tsun ai .

“Anhte kaw na wa ai masha ni hta Dum Bung Hka Zup check point kaw ana jep mu lu ai lam nga ai nga majaw, Anhte ginra kata kaw nna Ginjaw ginra de wa ra ai ni hpe laksan ana jep chyoi nna she hkawm sa ahkang jaw na matu hkyen shajin da ga ai” nga ai.

Dum Bung Hka Zup Quarantine Dabang kaw Septenber (13)ya shani Mai Ja Yang kaw nna lung  wa ai jawngma marai (2) kaw ana jep mu ai lam nga ai.re.Mai Ja Yang Mungmyit Sinli Boarder jawng kaw na  Jawng ma yan re. Dai yan gaw Covid ana makawp ninghkap tsi garai n-htu shi ai  re lam mung na chye lu ai.

Dum Bung Hka Zup Quarantine Dabang kaw, Sinpraw Ginwang Ginjaw Covid 19 ana zinli makawp ninghkap komiti a madi shadaw laika pa hte du wa ai ni hpe sha hkap la ai.Ya aten marai (20) Hkamja lam masam maram hkamla nga ai .

Hkawm sa ai ni yawng Covid ana makawp ninghkap tsi htu yu sai lekmat,  tsi gawn lajang hkamla ngut sai wa rai yang dabang pru lekmat lawm gun ra na rai nna, lekmat ni hta hkan nna Quarantine nhtoi masat ya na re hpe mung chye lu ai.

 

 

Leave a Reply

Your email address will not be published. Required fields are marked *