Wunpawng Mungdan Shanglawt Hpyen Dap KIA Masat (2) Dap Ba, Masat (45) Dap Dung Ginra Kata Gasat Gala Byin

Sumbwi Yang Ginwang, Tahkyet hte Tarung lapran kaw, dai ginra de shamu shamawt shang wa ai Myen hpyen gumshem dap ni hte Wunpawng Mungdan Shanglawt Hpyen Dap KIA ni September (15) ya jahpawt hkying (6;00) aten daram hta gasat poi byin ai lam nga ai.

Myen hpyen gumshem hpung ni gaw Tarung mare kaw nna Tahkyet de shamu shamawt lung wa ai kaw KIA hpyen hpung ni hkap shingla gasat dat ai re lam dai ginra na lit nga salang ni shana wa ai. Shiga lawng lam hkum tsup hpe naw matut sagawn nga ding yang re.

Dai ginra mayan hta shanu nga ai mung mare masha ni gaw laknak kaba gap ai nsen ngoi wa yang jahkring hkring hprawng yen ra ai rai nna Myen hpyen gumshem dap ni mare kata na hpungkyi jawng ni hkan shara jahkrat nga let, mare makau hkan hpyen shamu shamawt ai lam ni naw nga ai majaw gasat poi bai byin wa na hpe hkrit tsang nga ai lam ginra masha ni shana wa ai kaw na chye lu ai.

Leave a Reply

Your email address will not be published. Required fields are marked *