Myen Hpyen Gumshem Dap Ni KIO Ginjaw Makau Grupyin De Laknak Kaba Gap Bang

Myen hpyen gumshem dap ni  September (15) ya shana hkying (9:45) aten daram  hta KIO Ginjaw makau grupyin rai nga ai Law Hkum Bum, Mai Sak Pa hte Kumba Yang maga de, laknak kaba sanit lang daram gap bang ai lam nga ai. Mai Sak Pa mare makau grupyin kaw Laknak kaba si wa hkrat ai majaw ginra masha ni grai hkrit tsang nga ai lam Buga masha ni shana wa ai.

Lai wa sai August (3) ya shana hkying (11:00) aten daram hta mung Bumre bum hte Hka Ya Bum kaw dap jung nga ai Myen hpyen gumshem dap ni ginjaw ginra de laknak kaba (10) jan lang gap bang ai lam nga ai hta htingbu Miwa mungdan de mung laknak kaba si wa hkrat kapaw nna, Mai Sak Pa  Quarantine Center makau kaw mung laknak kaba si  wa hkrat kapaw ai lam nga sai re hpe chye lu ai.

Leave a Reply

Your email address will not be published. Required fields are marked *