Laksan Laiza Muklum Kata Gat Seng Hpaw Dut Lu Dut Sha Nga Ni Hte Mung Chying Mung Shawa Ni Hkan Sa Ra Ai Lam Ni Hte Seng Nna Hkaw Tsun Hpawng Galaw

Laksan Laiza Muklum kata Shanu nga nna hpaga Yumga galaw Gat seng hpaw dut lu du sha nga ai mungchying mungshawa ni yawng chye na hkan sa lu na lam hte seng nna September 18 ya jahpawt hkying 8:00Am aten hta Sinpraw majoi gawk nu kaw hkaw tsun hpawng  galaw lu sai re.

Laksan Laiza Muklum Uphkang Rung hte Municipal rung kawn lit la nna galaw ai re hte hpawng hta Muklum kata ya aten byin nga ai gat lawk masa lam ni, Muklum Municipal galaw taw nga ai magam bungli ni, muklum Municipal uphkang masa, Muklum gaw sharawt lam, exchange Rate ni hte seng ai lam ni hpe tsun salang dan ai re.

Muklum kata shanu let galaw lu galaw sha nga ai mungshawa ni gaw muklum a rawt jat galu kaba na lam hta madi shadaw garum ra ai. Municipal galaw nga ai magam bungli ni hta mung myit su myit rawt ai hte shang lawm garum ra ai , Covid ana zinli masa a majaw Muklum kata hpaga yung ga galaw nga ai ni, gat seng hpaw, dut lu dut sha nga ai lam hta grai yak hkak nga na re, ndai zawn re shuk shanut nga ai masa ni a lapran mai byin ai daram asuya kawn  ahkun hkanse shayawm ya ai lam nga ai re, Gunrai manu hpe ladu lai jahpu nna dut sha nga ai hpe mu mada lu nga ai, yak hkak nga ai shada garum shingtau ai masa hte gunrai manu ladu lai shatsaw jat ai lam ni n galaw na hte Asuya kawn muklum kata gunrai manu ni hpe gawn hkang sa wa na masing nga ai lam hte seng nna Muklum Uphkang du Slgkb Wa La Gum ja Du tsun ai re.

Gunrai dut lu dut sha ai lam hta Asuya gawn hkang wa ai shaloi n hkan sa ai ni hpe  ahkyak la ai lam ni galaw sa wa na re lam tsun ai .Hpawng hta Muklum kata hpaga Yumga galaw nga ai ni gat seng dut lu dut sha nga ai mungshawa ni shanglawm ai hte Covid makawp maga tara hte hkrak galaw la lu sai hpe chye lu ai.

Leave a Reply

Your email address will not be published. Required fields are marked *