Hpyen Yen Mungmasha Ni Ngam Kau Da Ai A Arung Arai Ni Hpe Myen Hpyen Gumshem Ni Mya La

Lahta Sam Mung, Muse ginra, Pan Sai, Kawng Sahti mare masha ni hpyen majan koi yen kau da ai dum nta ni hkan September (19) ya shani Myen hpyen gumshem dap ni shang chyinglau nna arung arai ni la kau ya  ai lam ginra masha ni tsun kaw na chye lu ai.

Myen hpyen gumshem dap ni gaw hpyen koi yen nga ai Mungmasha ni a dusat yam nga rai nga ai U,Wa,Gwi ni hpe du hkra sat sha kau ya ai lam hpe chye lu ai.

Hpyen koi yen nga ai mare masha ni kawn mare de bai wa yu ai shaloi dum n-ta kata de chyinghka zaw adup hpaw nna kam mara arung arai adup jahten kau da ai hte shanhte ra ai arung arai ni hpe mung la kau ya ai nga nna mare masha langai tsun ai re.

Ya aten Lahta sammung ginra ni hta Myen hpyen gumshem dap ni hte ginra laknak lang hpung ni shani shagu ngu na gasat poi byin ai majaw hpyen koi yen ra ai mare kahtawng ni law jat ding yang rai nga ai re.

Hpyen koi nga ai mungmasha ni malu masha arung arai, garum n-tum ni ra kadawn nga ai lam chye lu ai.

 

Leave a Reply

Your email address will not be published. Required fields are marked *