Wunpawng Mungdan Shanglawt Hpyen Dap Masat (2) Dap Ba, Masat (11) Dap Dung Ginra Kata Gasat Gala Byin

Namti hte Lawa mare lapran Maran Kahtawng makau Makawk Zup mayan kaw  dai de Hpyen shamu shamawt shang wa ai Myen hpyen gumshem hpung ni hpe Wunpawng Mungdan Shanglawt hpyen dap KIA ni September (23) ya shani hkying (10:50) aten daram hta hkap shingla gasat ai lam nga ai.

Dai Myen hpyen gumshem hpung ni gaw Mogawng Ts.K.Hk (3) kaw nna Modo hte Mile (8) lam hku lung wa nhtawm Maran Kahtawng kaw wa yu ai hpang lagaw lam hku bai matut  hkawm wa ai shaloi KIA hpyen hpung ni hte gap  gasat ai re.

KIA hpyen hpung ni hkap gasat ai aten Myen hpyen gumshem dap ni makau grup yin de laknak gap bang ai lam ni nga ai.  Shana de hkying (2:00) aten daram du hkra lai wa lai sa hkrun lam hkawm ai, modo, sengke ni yawng hpe Maran Kahtawng gate kaw hkap jahkring jep ai lam nga ai.

Lido lam mayan hta Myen hpyen gumshem dap ni matut manoi hpyen shamu shamawt hkawm nga ai re majaw dai ginra kata Myen hpyen gumshem dap ni hte KIA hpyen hpung ni jahkring hkring gasat poi byin ai re hpe chye lu ai.

 

Leave a Reply

Your email address will not be published. Required fields are marked *