Myen Hpyen NBungli Bawm Wa Jahkrat Bun

KIA Masat (9) Dap Ba, Masat (6) Dap Dung ginra, Shagan Kawng kaw Myen hpyen gumshem dap ni January (13) ya jahpawt hkying (1:00) Am hta Hpyen Nbung Li masum hte bawm wa jahkrat gasat ai lam na chye lu ai.

Gasat poi byin ai lam n nga ai kaw Nbung Li masum bawm wa jahkrat bun ai hta   ginsum nkau htenza hkrum mat ai lam na chye lu ai.

Hpyen Nbungli ni jai lang nna bawm wa jahkrat gap gasat ai lam ni nga ai majaw dum nta n kau hten hkrum nna Mungmare masha ni hprawng yen ra ai lam ni mung nga lai wa sai re.

Dai jahpawt hkying (10:00) aten hta Sagaing, Hti Chyaik ginra kaw mung Myen hpyen gumshem dap Hpyen Nbungli lahkawng bawm wa jahkrat ai hta Mungmasha nga ai mare kata hkan wa hkrat kapaw ai lam nga ai.

January (12) ya shana maga hkying (12:45) aten daram hta mung Katha ginra, Moe Tar Gyi makau grup yin hkan Myen hpyen gumshem dap ni Jet Nbung Li masum hte numdaw masum lang bawm wa jahkrat gasat ai majaw Mungmare masha marai (5 ) hkala hkrum ai hte dum nta (6) wan hkru mat nna ginra masha ni hprawng koi yen mat ai lam nga ai.

Myen hpyen gumshem dap Hpyen Nbung Li bawm wa jahkrat ai hta n kapaw shi ai bawm ni mung naw ngam taw ai majaw ginra masha ni gaw hkrit tsang maja nga ma ai lam chye lu ai.

 

 

 

Leave a Reply

Your email address will not be published.