Myen hpyen gumshem dap ni lai wa lai sa mungshawa ni hpe sawk jep nga

Danai Lido lam, Lawa mare lam mazup na pawnghpawm shagyit kaw January (14) ya shani hkying (11:20) aten daram kaw nna Myen hpyen gumshem dap ni hte P.T.Ts ni lai wa lai sa hkrun lam hkawm masha Modo, Sengke yawng hpe azin ayang sawk jep nga ai lam ginra masha ni kaw na chye lu ai.

Hpakant lung wa ai ni hte yu wa ai masha ni, Modo, Sengke yawng jahkring nna Phone jep ai lam, rung rai ahkrawk jep ai lam ni galaw nga ai re hte hpa majaw ya na zawn galaw ai lam hpe gaw tup hkrak n chye ai nga nna ginra masha langai tsun ai.

Lai wa sai ten hkan gaw lam lai ahkang  ahkun (Bi hkun) hta nna shalai dat ai raitim shiga kahtet yang ya na zawn hkawm sa hkawm wa ni a phone hte rung rai ni du hkra azin ayang sawk jep ai lam ni galaw ai nga nna mung ginra masha wa matut tsun ai.

Dai ginra mayan hkan lai wa sai ten ni hta Myen hpyen gumshem dap hte Wunpawng mungdan shanglawt hpyen dap KIA hte jahkring hkring gasat poi ni byin ai rai nna gasat poi byin ai rai nna gasat poi byin ai ten Myen hpyen gumshem dap ni hkawm sa hkawm wa ni hpe sawk jep ai lam, hkrun lam pat hkum da ai lam ni mung jahkring hkring galaw nga ai re hpe chye lu ai.

Leave a Reply

Your email address will not be published.