Gang Dau Yang Kaw Dung Ai Myen Hpyen Gumshem Dap Ni Kawn Ramma La Kasha Ni Hpe Sawkjep Nna Gumhpraw Hta Sha

Myitkyina, Manmaw lam lapran Gang Dau Yang mare kaw dung ai Myen Hpyen Gumshem Dap ni kawn hkrunlam hkawm ramma la kasha ni hpe madung tawn nna azin ayang sawk jep ai lam dingyang galaw ai nga ai hpe na chye lu ai.

Gang Dau mare kaw dap jung ai Myen Hpyen Gumshem Dap  Hk.M.Y (319) ni rai nna  January (20) ya shani Myitkyina de wa ai  mawdaw hta ramma la kasha marai (4) jawn lawm  ai hpe jahkring da nna sawk jep ai lam galaw ai hte gumhpraw hpyi nna bai shalai ai re lam hpe Sawk jep hkrum ai ramma langai a nta masha langai ya na zawn tsun ai.

“ mawdaw kaw ramma la kasha marai (4) sha jawm lawm ai majaw sawkjep nna shana de (5:00) pm aten daram hta she dum nta de du wa ai. Shani tup jep nna n lai shangun, ai mawdaw la ni mung kade tsun tim n lai shangun ai kaw Tsa grai bri ai Myen hpyen du langai le wa nna marai langai (100,000) hpra hpra hpyi la na bai shalai dai ai re”

Lai wa sai January (10) ya shani hta mung Myitkyina dum nta de wa ai Saibaw La Seng asak (25) ning gaw Sengke hte shi hkrai Myitkyina-Manmaw hkrun lam lapran mat mat ai hte ya aten du hkra matut mahkai n lu ai majaw Dum nta masha ni yawng myit tsang nga ai ma ai re.

Lai wa sai January (11) ya shani hta mung Shwe Nyawng Pyin shagyit kaw dung ai Myen hpyen gumshem dap ni January (11) ya shani (1:00) aten daram hta Mungmasha jawn lai wa ai madaw langai hpe 10 jan lang  hkan gap ai lam nga ai re lam na chye lu ai.

Leave a Reply

Your email address will not be published.