Mungchying Magam Dap, Amyu Shayi Komiti Kaw Nna Magam Dap Amyu Shayi komiti de Kawan Katsan Sa Du Hkrum

Wunpawng Mungdan Shanglawt Hpung, Mungchying Magam Dap Amyu shayi komiti kawn January (22) ya shani Shawng nan lang ngu na Magam dap magam gun amyu shayi ni hpe sa du kawan katsan hkrum shaga ai lam nga ai re.

Hkrum zup kawan katsan hkawm ai hta Mungchying Magam Dap Amyu shayi komiti a 2022 ning ting hta galaw sa wa na magam bungli ni hte Magam dap hkan magam gun nga ai amyu shayi ni yawng hpe kahkyin gumdin sa wa lu na lam ni hpe jahkrup bawngban, tsun sanglang ai lam nga ai re.

Mungchying Magam Dap, Amyu Shayi Komiti hpe 2021 ning June praw (1) ya shani tara shang hpaw dat ai re hte Yaw shada lam hpe Mungchying Pati Amyu Shayi Komiti ningbaw Hpawmi Hpakawn Htoi Ja Kawn  tsun sanglang ai re.

Mungchying Magam Dap amyu shayi komiti hpe Ginjaw Hkamja Dap, Sut Masa Magam Dap, Nam Maling Hte Grupyin Gawn Hkang Magam Dap, DGA, Shiga Magam Dap, Ginjaw Sut Gan Dap Rung, Ginjaw Hpaji Dap ndai Magam Dap sanit kata na magam gun amyu shayi ni hte hpaw shabawn da ai re lam chye lu ai.

Leave a Reply

Your email address will not be published.