Ningbaw Kaba Lam Mahkrai Gawgap Bungli Sa Du Gawan

Wunpawng Mungdan Shanglawt Kongsi ningbaw kaba Du Daju Jum Nban La Laiza ginra kata galaw gawgap hkrang shapraw nga ai lam mahkrai bungli hte mare nnan hpaw maden jat bungli dabang ni de sa du gawan ai lam nga ai.

May (16) ya jahpawt hkying (9:00) aten hta Ningbaw kaba hte ginjaw komiti salang ni gawgap bungli lit nga ai salang ni sa du gawan ai re.

Shawng nnan Ja Htu Kawng kaw galaw gaw gap nga ai Sut Maden  shagyit sa yu gawan  da nhtawm Lam mahkrai gawgap bungli dabang de wa du nna  ra ai lam ni matsun da ai. Dai hpang Laiza buga mare kahtawng gaw sharawt maden jat masing hte Nhkrut Kawng mare Janghtung mahkrai gawgap dabang, sut maden modo lam nnan htu baw bungli shara ni de sa du gawan nhtawm gawgap lit la nga ai salang ni hpe ra ang ai made bungli matsun da ai re.

Ya aten Wunpawng mungdan shanglawt asuya kaw nna Laiza ginra kata e buga masha law jat wa ai hte maren  mare buga mung grau kaba wa hkra gaw sharawt maden jat ai bungli masing ni hpe latatut  hkrang shapraw nga dingding re ai lam chye lu ai

Leave a Reply

Your email address will not be published.