Sumpra Bum Mare Kaw Myen Hpyen Gumshem Dap Hpyen N-gun (300) Grup Yin Dap Shara Jahkrat Shara La Nga Ai Shiga

Myitkyina de na lung wa ai Myen Hpyen Gumshem dap ni gaw ya aten Sumpra Bum mare kaw May (18) ya shana (6:00) aten daram kawn du shang wa nna dap shara jahkrat nga ai lam ginra masha ni kaw na chye lu ai.

Sumpra Bum mare kaw du nga ai hpyen hpung ni gaw hpyen n-gun (300) grup yin daram nga ai hte hpyen lang arung arai , malu masha hte hpawn mawdaw ni hte du shang wa ai rai nna ya aten mare kata laika sharin jawng ni hte mare masha ni a dum n-ta shara n kau ni hta mung shara la nga ai lam chye lu ai.

Dai hpyen hpung ni gaw Putao ginra de matut hpyen n-gun jat lung na matu hkyen lajang nga ai lam nga ai hte N-gaw Ma mare ni du hkra shimlam la shara jahkrat da ai lam ni nga ai hpe Sumpra Bum mare masha langai tsun ai re.

Myitkyina kaw nna May (11) ya shani hpyen mawdaw (80) daram lung wa ai hpyen hpung ni rai nna Sumpra Bum mare de n du shang wa shi ai lam lapran shara (3) daram hta Wunpawng Mungdan Shanglawt Hpyen Hpung (KIA) hte gasat gala byin ai lam ni mung nga ai re hpe chye lu ai.

Leave a Reply

Your email address will not be published.