Mai Ja Yang Kaw Hpaw Da Ai Father Education Center Kaw Jawngma Naw Matut Hkap La Nga Ai Shiga.

Sinpraw Ginwang Ginjaw  Mai Ja Yang Father Education Center kaw    tsang (10) hkrat nna bai lung mayu ai jawngma ni hte  tsang (10) hpe ningnan lung hpang na jawngma ni hpe  June shata htum hkra  naw hkap la nga ding yang re lam  chye lu ai.

Father Education Center  hpe hpaw da ai lam gaw hpaji machye machyag lam hta kup tsup ai hku nna sharin achyin  ya ai lam, mungkan hta madang dep ai ningbaw ningla kaja hpe shalat shapraw mayu ai majaw re nga nna  Mai Ja Yang  Father Educaion Center na Founder Srn . Myitung Htoi Bu tsun ai .

Laiwa sai 2021-2022 ning hpaji ladaw hta  gaw Father Education Center kaw nna  tsang (10)jawngma ni tsa hta(percentage) shadang  90.8 hteAwng dang la lu ai rai nna  ningtawn ginhpan 5Distinction, 4Distinction ,3Distinction, 2Distinction, 1Distinction hte  awng ai jawngma ni mung lawm ai re lam chye lu ai.

Father Education Center   kaw nna tsang (10) hpe awng sai jawngma ni hpe  Maigan de madang tsaw hpaji  matut  hpungjat sharin lu na matu Miwa mung de sa mayu ai ni a matu HSK , kaga maigan mungdan shara shagu de Dakkasu madang shang lu na matu GED, IELTS , hte preparation cost  ni hpe mung hkyen lajang da ya ai re lam saranum matut tsun ai re.

Ndai Father Education center hpe laiwa sai 2009 ning kaw nna  Loi Je kaw  Father Private hight School hpe hpaw sharin nga ai kaw na mung masa hpyen masa lam mayu myu ai a majaw 2021-2022 ning kaw nna Mai Ja Yang   hte  Nba Pa shara (2) kaw garan nna bai hpaw da ai re .

.

Leave a Reply

Your email address will not be published.