Danai Hpyen Yen Ni Nga Shara Kaw Hka Kaba Nna Hpyen Yen Mung Masha Ni Nga Shara Yak Hkak Ai Shiga.

Marang Htu sawng nna  Hka kaba ai majaw  Danai ginra nga Nambyu, NamHkam  Hpyen yen  mungmasha ni nga shara yak hkak wa ai lam  hpyen yen mungmasha ni kaw na chye lu ai.

Hpyen yen ni nga ai shara de hka lim shang wa ai majaw  dum nta hten lawm ai gaw n nga ai raitim , arung arai , n-gu malu masha ni  htawt sit da ra ai lam  , nga shara yup shara n lu mayak hkrum sha nga ai nga nna Hpyen yen ni hpe yu garum ya nga ai  Sr. Joseph Nhpang Naw Tawng tsun ai .

Ya aten hta Hpyen yen mung masha ni gan htawt sit nga na matu  dum nta shara ni  ra  nga ai sha n-ga  shani gatum bungli galaw sha nna nga ai   mungmare masha  nkau ni gaw  hka kaba nna  bungli nlu galaw ai majaw  dinhku kata  lusha yak hkak wa ai lam ni  mung byin hkrum nga ai re nga nna matut tsun ai .

Nabyu, Namhkam Hpyen yen dabang kaw   hpyen yen htinggaw (130) jan nga re, yinam ladaw ten mung re ai majaw  hkaba nna grau yak hkak wa na hpe hpyen yen mung masha ni  grai myit tsang nga  ma ai.

 

Leave a Reply

Your email address will not be published.