Myen Hpyen Gumshem Dap Ni Laknak Kaba Gap Shadam Ai Majaw Dum Nta Hten Hkrum

Mungmyit Sinli Ga, Kachin Sub-state, Mungbaw mare mayan  kaw Dap jung ai Myen hpyen gumshem dap ni June (28) ya shana hkying (11:00) aten daram hta makau grup yin de laknak kaba gap shadam ai lam nga ai.

Myen hpyen gumshem dap ni laknak gap shadam ai majaw Dalung mare na Hpunau Sam amyu sha Jan. Mawk Gaw Se a nta wang hpun zang kaw wa hkrat kapaw ai hta dum nta hpri tsut ni mung hten hkra mat ai lam nga ai hpe chye lu ai.

Mare makau kaw mung laknak kaba si lahkawng wa hkrat kapaw ai lam nga ai raitim mungmasha hkra hkakla hkrum ai lam gaw n nga ai, matut na laknak kaba hkrup mara bai gap shadam wa yang mare masha ni kaw hkra hkala hkrum na hte mare makau hkan gasat poi byin wa na hpe ginra masha ni hkrit tsang nga ma ai re.

Mungbaw hka mahkrai kaw Dap jung ai Myen hpyen gumshem dap hte ginra P.T.Ts, Balik dap ni gaw lai wa lai sa hkrun lam hkawm masha, Modo Cycle ni hpe laja lana sawk jep nna, gumhpraw hta sha ai lam ni galaw nga ai hpe mung chye lu ai.

Leave a Reply

Your email address will not be published.