Kamaing Myen Hpyen Gumshem Dap Hte P.T.Ts Ni Hkawm Sa Hkawm Wa Mung Masha Ni Hpe Sawk Jep Nga

Kamaing Byuha Kawng kaw dung ai Myen hpyen gumshem dap, Balik Dap hte P.T.Ts pawnghpawm hpung ni kawn July (2) ya jahpawt hkying (8:40) aten hta hkawm sa hkawm sa mungmasha ni hpe azin ayang sawk jep nga ai lam chye lu ai.

Dai Myen hpyen gumshem dap, Balik Dap hte P.T.Ts pawnghpawm (30) hpung ni jahpawt hkying (6:30) aten daram kaw na Kamaing lahta tsang jawng, tsi rung kawng hte gat kawng mayan hkan nga gayin hkawm nhtawm lam mazup kaw  nna lai wa lai sa ni, Modo sengke ni hpe  sawk jep nga ai re hte shani hkying (10:20) aten bai nhtang wa sai lam chye lu ai.

Myen hpyen gumshem dap pawnghpawm hpung ni hpa majaw mare kata ya na zawn  hkawm sa hkawm wa ni hpe sawk jep wa ai hpe n chye lu ai raitim lai wa sai May shata kaw nna mare kata hkawm sa hkawm wa ni hpe sawk jep ai lam jahkring hkring galaw wa ai re hpe chye lu ai.

Kamaing Byuha Mu Aung Naing Win ngu ai wa mung May (9) ya shani mare uphkang salang ni hte mare kanu kawa ni hpe shaga la nna mare kata shana aten lai n hkawm na hte mare kata masha marai (5) a lahta dung chyawm shaga ai lam tsep kawp n galaw na matu matsun da ai lam nga ai hpe mung chye lu ai.

Leave a Reply

Your email address will not be published.