Mali Nmai Zup Hka Wan Jak Masing Laksan Sawk Maram Commision Hpung A Ningmu Sumtang Tang Madun Da Sai

Mali Nmai Zup hka wan jak masing hte seng nna laksan sawk maram dinglik lu na matu NLD asuya hpaw ninghtan da ai Commission kaw nna Gumsan Magam hpang de ningmu Sumtang Laika hpe November (11) ya shani tang madun da sai raitim dai laika hta lawm ai lawnglam ni hpe gaw Mung shawa de ndau dan ai lam garai n galaw na re nga nna Gumsan Magam Rung na tsun ahkang lu ai wa tsun ai lam chye lu ai.

Commision hpung malawn n kau ni gaw Mali Nmai Zup hka wan jak masing hpe matut n galaw na matu langai hkrai a ningmu ni hpe tang madun da ai lam nga ai hpe mung na chye lu ai.

Ndai masing hpe သိန္းစိန္ asuya lak htak 2009 shaning hta Miwa asuya a CPI company hte myit hkrum ga sadi lakmat htu da ai re. Mung shawa ni yawng grai ninghkap ai majaw gan jahkring da ai re lam chye lu ai.

Ya NLD asuya lak htak hta Miwa asuya Company ni kawn ndai masing hpe bai galaw sa wa na matu tsun shadut wa ai hpang “ဧရာဝတီျမစ္ဆံုျမစ္ညာျမစ္ဝွမ္းေရအားလွ်ပ္စစ္စီမံကိန္းေလ့လာစိစစ္ေရးေကာ္မရွင္” nga nna 2016 ning August shata hta bai hpaw shabawn dat ai re.

Ndai hka wan jak masing hpe tsep kawp dawm jahkring kau lu hkra mung shawa ni ninghkap sa wa na matu myit makun nga ai lam mung sagawn na chye lu ai.

Leave a Reply

Your email address will not be published. Required fields are marked *