Hkrun lam hkawm ai ni hand phone kata na matsing ningting ni hpe Myen hpyen ni hpaw jep ahkyak la nga

Jinghpaw Mungdaw hte Sam Mung dingdung daw Kachin Sub-state ginra November shata (20) ya a hpang daw de hkrun lam hkawm ai masha ni a hand phone kata na matsing ningting sumla, mahkawn, matsing masat amyu myu ni hpe jep shapraw la nna phone madu ni hpe rim adup zingri galaw nga ai lam chye lu ai.

Grau nna Kachin Sub-state Asia World lam hku hkawm sa ai ni hpe December shata (13, 14) ya shani ladu shalai jep ai lam nga ai, Phone n-gun ai ni hpe mung masha yawng pyi phone lang yang nang hpa rai phone nlang ai, phone pat da ai ni hpe phone hpa rai pat da ai, wan n-gun nrawng ai phone gun ai ni hpe mung nang hpaw jep na hkrit nna dingsang galaw ai re ngu ladat amyu myu hte mara hta nna adup zingri ai lam galaw ma ai nga nna Namhpakka na amyu shayi langai shi nan myi chyaw mu da ai lam tsun shana wa ai.

Leave a Reply

Your email address will not be published. Required fields are marked *