Shing Chyai hpyen yen dabang hpe htawt sit na matu N.D.A.K jahkrit

N.D.A.K Ningbaw Zahkung Ting Ying a kasha Zahkung Ying Chang kaw na  Shing Chyai hpyen yen dabang hpe lawan htawt sit mat na matu tsun shadut nga ai lam buga masha ni shana wa ai kaw na chye lu ai.

Zahkung Ying Chang gaw Shing Chyai IDP Camp Comiti salang langai hpe shaga la nna “ndai Camp hpe lawan htawt sit, lawan nhtawt sit jang Wan wa nat kau ya na, ndai Camp hpe kadai woi awn na hpaw dat ai rai, kadai mung kadai na mare de wa manu, nwa jang ngai nan Wan wa nat kau ya na” ngu nna Febuary (13) ya shani tsun jahkrit ai lam buga masha ni tsun shana ai.

Shing Chyai hpyen yen dabang gaw Wai Maw Ginwang, Sadung hte Kanpaiti lapran kaw nga ai rai nhtawm Mung shawa htinggaw (180) kaw na masha (900) jan nga ai dabang re hpe mung na chye lu ai.

Leave a Reply

Your email address will not be published. Required fields are marked *