Myen hpyen ni hkam da ai bawm kabye kapaw la ai majaw Mung masha langai bai hkala hkrum mat

Kachin Sub-state, Munggu ginwang Bang Sai lapran tsang jawng kaw February (21) ya shani hkying (10:00)Am Myen hpyen hpung ni hkam tawn da ai bawm kabye kapaw la ai majaw Sam amyu sha La langai hkala hkrum mat ai lam na chye lu ai.

Kachin Sub-state ginra hta February (17) ya shani Hkalen mare na Salang Sau Ta asak (54) ning, February (19) ya shani Shadang Sann Aung asak (14) ning hte Shadang Hpung Yu asak (12) ning ni mung Myen hpyen hpung ni hkam da ai bawm kabye kapaw hkala hkrum lai wa sai re. Myen hpyen ni hkrup mara mare kata bawm hkam da ai lam nga ai majaw Mung mare masha ni gara shara de mung pru hkawm na matu hkrit tsang nga ai lam buga shi sawk ni shana wa ai kaw na chye lu ai.

Leave a Reply

Your email address will not be published. Required fields are marked *