N-dung Yang Buga Nanghpam Pat Jasan Komiti Ni Kani Lu Sha Masha Lu Rim Ai Shiga

Sumpra Bum Ginwang,N-Jang Yang Ginwang daw,N-dung Yang buga nanghpam pat jasan komiti ni April 29ya shana U Lawng Yang mare hta pat jasan bungli shang ai shaloi Kani lu sha ai marai 3 hpe lu rim ai lam chye lu ai.

Lu rim ai Salang Lahtaw Zau Sam, Myen La Salang Awng Myu Nai, Miwa la Salang U Kau ni hpe Kani hpraw htu na matu shajin da ai saring 1,Kani chyang Hkan 5 hte Yama lu arung arai ni hte hpawn lu rim ai lam na chye lu ai.

Lu rim ai kani hte arung arai ni hpe N-dung yang buga nanghpam pat jasan ningbaw Rev.Shamloit Lum Hkawng akyu hpyi nna wan nat kau sai lam,lu rim ai salang ni hpe gaw ningmu jahpaw hkaw tsun,shingna dam 3lang hpra gayat nhtawm hpang e bai lu sha nna lu rim ai rai yang kani dawn dabang de sa kau na lam, tsun sadi jaw nhtawm bai dat dat sai lam na chye lu ai.

Bai Masat (4) Dap Dung Dap Up Du Kaba Damau Muk Lung hte Tau Dap Up Myitung Hkaw Bawm yan kaw nna mung N-dung Yang buga nanghpam pat jasan bungli hte seng nna JuBali mare hta April 28 ya shani hpaji jaw matsun ai lam ni woi galaw ai hpe Ndung Yang buga nanghpam pat jasan komiti salang langai shiga jaw la ai kaw na chye lu ai.

Leave a Reply

Your email address will not be published. Required fields are marked *