Hpakant kaw Yemase nlung hta ai ni tara jewat hkrum

Hpakant, ေတာက္ပၾကယ္ Company  a lung seng htu shap ai ga shingbut kaw na Yemase Ton 8.7 daram namnak nga ai Lungseng hpe Yemase hta masha ni mu tam nna htaw mat wa ai hpe Ya aten Jinghpaw mungdaw Balik Dap kaw pukma 382/114 hte amu hpaw tawn da ma ai lam chye lu ai.

Dai Yemase nlung hpe April (26) ya shani mu tam la ai rai nna dai shani Company kaw na gaw dai nlung hpe nla mat na matu hkum pat ai lam galaw ai raitim Yemase tam ai ni masha n-gun 1000 mi jan nga ai majaw htaw la mat ai re hpe chye lu ai.

Tara Jewat tawn ai gaw Company madu ni nre ai sha Lung Hkang kaw na ေက်ာက္စိမ္းတူးေဖာ္ေရးဌာန ni re hpe chye lu ai. Dai Yemase nlung hpe mung seng ang ai ni kaw na Myitkyina Lungseng rung de ap ai lam galaw nna seng ang ai ni kawn dai amu hpe hparan ya lu na matu galaw nga dingyang re nga ai hpe chye lu ai.

Leave a Reply

Your email address will not be published. Required fields are marked *