Myen Hpyen Dap ni Maran Kahtawng kaw Mung shawa ni hpe hkap jep jahkring

Maran Kahtawng kaw Myen Hpyen Dap Hk.L.Y (91, 92) ni Danai hte Hpakant de lai wa lai sa galaw ai Mung shawa ni hpe hkap jep jahkring da ai lam Lawa mare na Salang langai shana wa ai.

Lai wa sai masum ya daram hta Lawa hte Dumbung lapran kaw Myen hpyen la htaw shalai ai lam hpe KIA hpyen hpung ni hkap jep ai nga nna shiga na lu ai majaw ya aten Maran Kahtawng mayan kaw Myen hpyen hpung ni lai wa lai sa Mung mare masha ni hpe laja lana hkap jahkring jep nga ai re nga nna dai salang wa matut tsun da ai.

Ya aten KIA Masat (20) Dap Dung ni hte Myen Hpyen Dap Hk.L.Y (91, 92) Dap ni laja lana gasat gala majan byin wa na masa nga ai majaw mare masha ni hkrit tsang nga ai hpe mung chye lu ai.

 

Leave a Reply

Your email address will not be published.