Mai Ja Yang kaw hpaw sharin nga ai Institude Of Liberal Arts And Siciences (ILAS) jawng kaw hpaji sharin hkaja na jawngma ni shawoi shaning na hta jau nna jawng de sa du ra na lam, ILAS Jawng kaw na ndau da ai re.
Sumtsan kaw nna sa ai jawngma ni yawng Mai Ja Yang ginwang kata, Quarantine naw hkamla ra ai lam nga ai re majaw jawng du na nhtoi hta bat lahkawng jau shawn nna shajin sa wa na matu ndau da ai lam nga ai hpe chye lu ai.
2021-2022 Jawng lung ladaw hpe du wa na June shata (21) ya shani kaw nna hpaw hpang na re majaw jawngma ni yawng June (14) ya nhpang hkrat ai sha jawng de du zup ra na lam hte Jawngma nnan ni hpe June (18) ya shani jawng shang sanpoi (Entrance Exam and Interview) san na re lam chye lu ai.
Jawngma nnan ni kaw nna jawng shang Form hpe School Of Intensive English Program Page kaw na lu mai la ai lam hte Online hku nna shawk shawn mai ai lam chye lu ai.