Ramma Hte Sut Masa

               Mungkan hta Awngdang ai sut masa hpe rem kyem da lu ai ni kadai ni rai ma ta? Dai ni na anhte mungdan a sut masa lam gaw gara madang hta tsap nga ai kun nga ai hpe hpe maram masam ra nga sai.

Moi shawng de Wunpawng sha ni a kan bau bungli gaw, yi hkyen, hkau na galaw let gumhpraw n lu tim  asak mai hkrung nga ai. Dai hpang lung seng prat hta ja gumhpraw hpe ra ai hta jan nna jai lang ai ni anhte rai nga saga ai.  Daini na ten hta Gumhpraw hpe ra ai hta jan nna jai na n mai nga ai. Tinang a shang gumhpraw (income) hte tinang jai lang na gumhpraw hpe Shingdaw yu ra nga ai.

                 Shang gumhpraw (income) hpe galaw shapraw ai ramma langai gaw  gumhpraw hpe hkrup mara jai lang kau na lahpawt chye nga ai. Dai majaw tinang a income hta jan nna jai lang chye ai rai yang shih ta amyat hpa n nga ai.

Daini na mungkan a sut masa lam hta hkan ana anhte Wunpawng ramma mi marai hkum gu dek gaw shang gumhpraw nga ai ni rai ra saga ai. Shang gumhpraw tam ai lam hpe ladat amyu my shaw mai ai. Shawng nnan bang ran a arang gaw tinang na rai nga ai hpe myit dum ra nga ai law.

Nkau mi gaw tinang a dinghku nta masha ni hte rau shang gumhpraw tam nga ai. Dinghku masha ni yawng jawm galaw ai (Family Business) a awng dang lam gaw tinang a dinghku masha ni hte bungli ni hpe up hkang hpareng ai lam kaja ai majaw rai nga ai.

Tinang galaw shapraw ai, dut ai kun rai ni gaw masha ni a matu mai kaja ai, akyu jaw ai, ra ahkyak  ai ni rai ra nga ai. (Ga shadawn; Stationary, hkau sin hkau soi galaw du tai, Rai chywi) tinang galaw shapraw ai kun rai a lam hpe hkut hkut nai nai chye na let tsun dan ndau dan chye na lam mung ahkyak nga ai. Dai hta na tinang galaw ai bungli magam hta woi awn hpareng uphkrang chye ladat chye ai gaw grau ahkyak ai.

Anhte ramma ni galaw mai ai kan bau bungli law law nga ai. Tinang myit lawm ai hte galaw mayu ai bungli hpe lata galaw ai rai yang shang gumhpraw hte amyat grau law wan a re. Shang wan a gumhpraw hta mai kaja ai bungli  rai na gaw grau ahkyak ai. Galaw let mahkrum madup hte sharin mat ai bungli gaw ja gumhpraw hta grau manu dan nga ai.

Mungkan a sut masa lam, dut lu, dut sha lam, gat lawk ni grai dam lada let madang tsaw wa ai hta anhte mungdan a sut masa lam hpe mung myit dum ra nga sai. Grau nna zet let kunghyang nga ai anhte ramma ni a lit nan rai nga ai.

Sut masa lam hpe chye da, sharin da ai hte majoi nga shalai kau hku nre ai sha ta tut magam bungli hpe nan gramma nan woi awn galaw majen je sa ra nga ai. Anhte a mungdan  sut masa rawt jat wan a maga de saw a nga ga.

                                                                                                                                                                                                                Wan Pu

 

Leave a Reply

Your email address will not be published.