Wunpawng Mungdan Shanglawt Hpyen Dap KIA Masat (5) Dap Ba, Masat (3) Dap Dung ginra, Waimaw Wuyan mare kaw dap jung da ai Tai dap hpe July (28) ya jahpawt manap hkying (2:00) Am aten KIA hpyen hpung ni sa htim gap gasat ai lam nga ai.
Dai gasat poi hta Tai hpyen maga si ai hte hkala ni lawm nna KIA hpyen hpung ni kaw nna machyu pala sinat laknak lu zing la ai lam na chye lu ai.
Gasat poi byin ai jahpawt hkying (4:00) aten daram du hkra maga lahkawng kaw nna laknak kaba ni hte gap gasat hkat ai rai nna Myen hpyen gumshem dap ni gap dap ai laknak kaba si nkau ni gaw Mung masha nga ai mare kata ni de du hkra wa hkrat kapaw ai lam ni nga ai raitim mare masha ni a dum nta hten hkrum ai lam, Mung mare masha hkra hkala hkrum ai lam gaw nnga ai re hpe chye lu ai.
Wuyan mare na Tai Hpyen ni a dap gaw lai wa sai shaning kaw nna dap jung shara jahkrat nga hpang wa ai rai nna, lai wa lai sa mungshawa ni hpe jahkrit shama sawk jep ai lam, gumhpraw hpyi shagyeng sha ai lam ni galaw ai nga ai re.
Dai shani hta sha Mungmyit Sinla Ga KIA Masat (6) Dap Ba, Masat (9) Dap Dung ginra, Kuthkai lahta Hpahkip hte Namhpalun lapran Nbu Si Sun mayan kaw mung KIA hpyen hpung ni hte Myen hpyen gumshem dap ni gasat poi byin ai lam na lu ai hte shiga lawnglam hkum tsup hpe matut sagawn