Sin Hkyu Pa mayan kaw November (5) ya shana de hkying (1:40) aten hta Myen hpyen gumshem dap hte KIA hpyen hpung ni gasat poi byin ai lam nga ai.
Chyawng Wa makau Aile Tu hpungkyi jawng kawn shamu shamawt pru wa ai Myen hpyen gumshem dap Hk.M.Y (11) n-gun (100) jan lawm ai hpyen hpung ni kawn Lawa pa makau grup yin hkan shamu shamawt chyinglau wa ai kaw Sin Hkyu Pa du wa ai ten KIA hpyen hpung ni hte ang katut nna gasat poi byin wa ai re hte shiga lawnglam hkum tsup hpe matut sagawn nga dingyang re.
N-dai Myen hpyen gumshem dap hpung ni gaw lai wa sai bat kaw na Chyawng Wa, Aile Tu mayan hkan hkawm nna matut manoi sha Mada Bum maga hku nna bai shamu shamawt nga hkawm ai hpung ni re hpe mung sagawn chye lu ai.