Dingdung Ginwang Ginjaw N-gum La mare kaw Feb.3 ya shani hkying 10:00 ten hta Ginwang Ginjaw kata party shamu shamawt masing hku nna laili laika shingjawng lamang hpe Uma Gindai gawknu kaw galaw ai re.
Shingjawng lamang hpe Dingdung Ginwang Ginjaw party Komiti kawn lit la woi awn ai hte Sum Roi, Laika Sum Rai, Sum Yan, Ga Shagawp ni hpe woi shingjawng ai rai nna lamang hta Ginwang Ginjaw kata nga Sumpra Bum Ginwang, Putao Ginwang, Njang Yang Ginwang hte N-gum La Party Komiti kata kaw na ni mung shang lawm shingjaw ai re lam chye lu ai.
Ya na zawn shingjawng lamang galaw ai lam gaw ” Hpaji lam hta naw hpang hkrat nga ai anhte a kashu kasha ni mu chye la nna hpaji lu mu ga ” ngu yaw shada let galaw ai re lam lit nga salang Srkb Lahpai Zau Li tsun ai.
Matut nna shingjawng Lamang hta sa du shang lawm shingjawng ai kanu kawa ni hte sa yu n-gun jaw ai kanu kawa ni, jawngma ni hpe Dingdung Ginwang Ginjaw Party Komiti Amumadu Slgkb Salaw Naw Awn kaw nna Party hte seng ai lam ni hpe ya na zawn tsun ai.