Wunpawng Mungdan Shanglawt Rawt Malan wa ai (63) Ninghpring hpawng lamang hpe February (5) ya jahpawt hkying (9:00)Am aten Laiza Muklum kaw galaw ai lam nga ai.
Hpawng lamang hta Wunpawng Mungdan Shanglawt Hpung, Ginjaw Komiti Tingnyanbg Up, Du Daju Jum Nban La hte rau Magam Dap, Makan Dap de na Myitsu salang ni, Wunpawng Mungdan Shanglawt Amyu Shayi ni, Nawku Hpung woi sara kaba ni hte dap shawa ni shanglawm ai hte Wunpawng Mungdan Shanglawt Hpung, Ginjaw Komiti Tingnyang Up, Du Daju Jum Nban La a (63) Ning hpring Rawt Malan Masat Ninghtoi Mungga hpe Du Up Daju Dashi Brang Nan hti shalai ai lam nga sai re.
Dai hpang Wunpawng Mungdan Shanglawt Hpung Ginjaw Komiti Tingnyang Up Du Daju Jum Nban La kaw nna Magam gun ladaw (60) ning hpring Du Up Daju N-gan Zau Hkum hte rau (50) ning hpring sai Wunpawng Mungdan Shanglawt Hpyen Dap, Dai Lawn Rung kaw na Du Up Jum ANai Zau Hkawng hte Du Up Pawm La Awng, Ginjaw Sut Masa Magam Dap kaw na Du Up Pauhkan Bawk Lar ni hpe shagrau lekmat hte Ja Dahkama shagrau jaw ya sai sha n-ga magam gun ladaw (5) ning hpring, (10) ning hpring, (20) ning hpring, (30) ning hpring, (40) ning hpring, (50) ning hpring, (60) ninghpring sai magam gun kahpu kawa ni yawng a matu mung laksan kyu hpyi shaman ya ai lam galaw sai re.