KIA Masat (9) Dap Ba ginra, Lawt Ra Pa mayan kaw October (31) ya jahpawt hkying (9:50)am aten daram kaw nna Myen hpyen gumshem dap jet nbungli ni bom (10) jan lang sa jahkrat bun ai lam na chye lu ai.
Nbungli bawm wa jahkrat ai shara Lawt Ra Pa kaw gasat gala majan byin ai lam nnga ai. Kajawng kaja nbungli masum hte wa gap ai re lam ginra masha ni tsun shana ai.Nbungli bawm jahkrat gasat ai a majaw ganing re ai laklai satlawat nga ai mabyin shiga hpe naw sagawn nga dingyang re.