Myen hpyen gumshem dap ni Mali Hka mayan ni hta shara jahkrat tawn nhtawm, shimlum lam a matu hpyen koi yen wa ai Mungmare masha ni hpe hkap shingdang, sinat hte hkap gap ai lam, kawng lam hku koi yen wa ai mungmare masha nkau ni hpe mung Mawdaw, Cycle zaw ni gashun la kau ya ai lam na chye lu ai.
Mare kata laknak kaba, Drone, Nbungli ni hte bawm gap bang ai majaw, dum nta ni htenza ma ai, mungmare masha ni hkra hkala, asak si sum mat ai lam law law nga wa ai hta mungmare masha ni ya na zawn tinang hkum shimlum lam a matu hpyen koi yen wa ai kaw Myen hpyen gumshem dap ni hkap shingdang ai lam galaw ai majaw majan lapran kaw mungmare masha law law jamjau hkrum nga ma ai lam chye lu ai.
Manmaw ginra mayan ni hta December (4) ya jahpawt kaw nna Myen hpyen gumshem dap hte KIA pawnghpawm hpyen hpung ni gasat gala majan laja lana byin hpang wa ai rai nga ai.