(64) ning hpring rawt malan masat ninghtoi Mungga madat hkam la hpawng hte magam gun ladaw (50) ning hpring ja dahkama shagrau ai hpawng lamang hpe Feb. (5) ya jahpawt hkying (6:00)Am aten Laiza kaw galaw la lu sai re.
Hpawng hta Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyendap Dap Up Daju Du Daju Jum Nban La a (64) ning hpring rawt malan masat ninghtoi mungga hpe Du Up Jum Wawhkyung Sin Wa kawn hti shalai ya ai re.
Matut nna dai ning (64) ning hpring rawt malan masat ning htoi hta Magam Gun ladaw (50) ning hpring ai Slg ni, 1. Sut Masa Magam Dap Lit Hkam Salang Kaba Labya Tang Gun, 2. KIC Rung na Du Up Jum Hpauna Gumsan Seng, 3. Dai Lawn Rung na Du Up Jum Hpaukyi Zau Hpan, 4. Dai Lawn Rung na Du Up Jum Hkakran Yaw Htung, 5. Masat (4) Dap Ba Daju na Du Up Chawzang Dau Hkawng, 6. Masat (2) Dap Ba Daju na Du Up Nra La Awng ni hpe KIO Tingnyang Up Du Daju Jum Gunhtang Gam Shawng kaw nna ja dahkama shagrau jaw ai lam galaw ai re.
Mungdan ting dai ning magam gun ladaw (40) ning hpring ai magam gun yawng marai (21), (30) ning hpring ai magam gun marai (36), (20) ning hpring ai magam gun marai (250), (10) ning hpring ai magam gun marai (917) nga ai rai nna ndai magam gun ladaw hpring ai ni a matu mung hpung woi Sara ni kaw nna laksan Kyuhpyi ya ai hte lamang hpe awngdang ai hte galaw la lu sai lam nga ai.