Wunpawng Mungdan Shanglawt Asuya, Htunghking Hte Laili Laika Magam Dap hte Laiza Muklum Uphkang Rung kaw nna woi awn galaw ai Num Wawn Numla Hpu ja hpaga lam hte seng ai bawngban hpawng hpe June (17) ya shani Laiza kaw galaw ai re.
Num wawn Num la htung lailen ni gaw ginra hta hkan nna shai hkat ai lam ni nga ai majaw dingyang lang nga ai hpuja hpuga ni hpe manu shadan jai lang nhtawm shayawm mai ai hpuja hpuga daw ni hpe shayawm na lam ni hte seng nna, muklum kata nga ai htunghking mungman salang ni hte bawngban ai lam galaw ai re hpe chye lu ai.
Hpawng hta laiza muklum kata lawk shagu na htunghking mungman salang ni amyu shayi ni hte saw shaga da ai salang ni marai 50 jan sa du shanglawm bawngban ai rai nna, lai wa sai 2009 ning hta bawngban daw dan shagrin da lu sai lam ni hpe mung prat masa ja gumhpraw arung arai manu ni hta hkan nna bai jawm jahkrup sharai ai lam ni galaw ai re hpe chye lu ai.