Hugawng ginwang, Dumbang ginwang daw, Lawa ninghtawn Lido lam ntsa Lawa Hkum Tsai yang mare lup wa kawng kaw dap jung ai Myen hpyen gumshem dap hpe KIA hpyenhpung ni July (10) ya shani padang dip ai lam nga ai re.
Jahpawt manap 4:00Am aten daram kaw nna Hkum tsai yang lup wa kawng kaw dap dung shara jahkrat nga ai myen hpyen gumshem pawng hpawm dap ni hpe KIA hpyenhpung ni sa htim gap gasat ai hpang jahpawt 6:00 Am aten kaw padang dip ai lam nga ai re .
Majan byin ai jahpawt daw hta Danai maga na yu wa ai modo , cycle ni ni hpe mung Dum Bang Man Pang kaw manap daw jahkring da ai lam nga ai rai nna, shana maga daw hta hkrunlam hkawm masha yawng hpe bai dat ya sai lam mung nga ai hpe na chye lu ai.