Sinna Dingda Ginwang Ginjaw Komiti a lam woi ai hte maren Dap Dabang Komiti kaw nna hkrang shapraw woi-awn galaw ai, Hkawm Chyawm Hkungran Ga Shaka La Akyu Hpyi Hpawng hpe Dap Ba Daju Gawknu kaw January (10) ya shani hkying 11:00Am aten galaw ai lam nga ai.
Mungmasa, hpyen masa sat lawat mayak hte dinghkrai mayak lam a majaw hkungran lakmat nlu la ai magam gun dinghku (4) hpe Magam Dap, Makan Dap kaw nna kanu kawa tai let Hkawm Chyawm Hkungran Ga shaka la ya ai re lam Dabang Komiti Tinngyang Up Dkb. Npyen Tu Len tsun ai re.
Daini na Hkawm Chyawm Hkungran Ga Shaka La Akyu Hpyi Hpawng hta Sinna Dingda Ginwang Ginjaw Dinggrin Komiti salang ni, saw shaga da ai du salang ni hte mung mare masha ni shanglawm nna angwi apyaw galaw lu sai lam chye lu ai.