Sinpraw Dingdung Ginwang Ginjaw, Chihpwi Law Hkawng Ginwang kata de hkawm sa hkawm wa ai masha ni hpe July (14)ya shani kaw nna hpang nhtawm, COVID-19 ana jep ya ai lam galaw nga ai re.
Law Hkawng Ginwang hte ni kahtep ai Chihpwi mare kaw COVID-19 ana kap hkrum ai masha ni hpe jep mu lu ai majaw, Tinang KIO uphkang ginra rai nga ai Law Hkawng ginwang kata de ana chyam bra shang ai lam n nga hkra tau nau makawp lu na matu ana jep ai re lam Law Hkawng Ginwang COVID-19 Ana Zinli Makawp Ninghkap Komiti tsun shana ai kaw na chye lu ai.
Ya aten Chihpwi mare kaw COVID-19 ana jep mu lu ai masha marai (11) nga ai majaw, mare hpe Lockdown galaw tawn ai lam nga ai.
Ginwang kata Jawa Yang Quarantine Dabang, Zang Nau Quarantine Dabang hte Nmai Hka sinna hkran kaw nna shang wa ai Zang Nawng Hka Li daru Check point, Shang Chyaw, Jawa Hkali Daru Check Point ni masat nna COVID-19 ana zinli makawp ninghkap ai lam hpe galaw nga ai hta Ya ten Check point lam ni hpe gaw pat da sai lam chye lu ai.