Wunpawng Mungdan Shanglawt Hpyen Dap KIA Masat (2) Dap Ba, Masat(43) Dap Nawng Dap Dung Ginra Kata Gasat Gala

Laksan Danai ginwang daw kawng ra mare makau kaw dai ginra mayan shamu shamawt nga ai Myen hpyen gumshem dap ni hte Wunpawng mungdan shanglawt hpyen dap KIA ni October (6) ya jahpawt hkying(6:00) aten daram hta gasat gala byin ai lam nga ai.

Myen hpyen gumshem hpung ni a hpyen n-gun, hpyen lang rung rai htaw shalai lung wa ai hpung ni hpe shimlam la ya ai hpyen hpung hte gasat gala byin ai re hte hkying (10:00) aten daram du hkra sinat n sen ni ngoi ai lam ginra masha ni kaw na chye lu ai.

October(5) ya shana de hkying(7:00) aten daram hta mung Jam Bu bum kaw hpyen shamu shamawt hkawm nga ai Myen hpyen gumshem hpung ni a hpyen modo hpe hkap shingla gasat ai kaw Myen hpyen gumshem dap ni a hpyen modo langai hten hkrum mat ai lam mung nga sai re.

Ya aten Ja Htu Zup mare kata kaw Myen hpyen gumshem dap ni shara jahkrat nga ma ai rai nna gasat gala bai laja wa na hpe ginra masha ni hkrit tsang nga ma ai re.

Leave a Reply

Your email address will not be published.